عندك اخ ؟؟؟؟؟؟؟ رافع ضغطك ؟؟؟؟ هنا

يامرحبا ترحيبةٌ (ن) تسبق الفار

لا صارْ فـي دربـةْ 30 بسّـه



< يعني ترحبْ بكمْ



هذي دروس خطيره لا تفوتكم يا بنات .. شوفو اللي مقهوره, واللي تبي تنتقم , واللي تبي ترفع ضغط اخوها تتبع

هالخطوات والله يقويكم......



*** عند التلفزيون ***



لا صارت فيه مباراه , والاخ متحمس اقطعي هالحماس وشلون؟!
انا اقولك ..

شوفي اذا صار مبقق عويناته وماهو يم احد يعني لو تجيبين صاروخ تفجرينه قدامه مالتفت لك اعرفي انه منسجم ,

هنا بس تقومين بشغلك.. وتسوين نفسك بنت سنعه

وروحي جيبي قطعة قماش وبخاخ للتنظيف واوقفي عند التلفزيون وامسحي الشاشه ولا تعطينه فرصه يشوف زين ,

لا قال: ابعدي. قولي مانيب فاضيتلك بنظف وامسح ، وبعدين روحي جيبي المكنسه واكنسي المكان اللي هو فيه وحاولي من لحظه للحظه تكنسين قدام التلفزيون وغطي عليه.. ولا يهمك احد..

واذا قال: ابعدي لااصقعك على وجهك بالكاس قولي معصي بيجون ضيوف . . العبي عليه حتى لو مو جايكم احد , والا سوي نفسك جالسه وتذكرتي ان الكيك بالفرن احترق ناقزي لين توصلين للفيش وامصعيه برجولك ولا تلتفتين وراكِ..



*** عند النوم ***



لا صار التمساح يشخر.. نكدي عليه نومه وشلون؟! دخلي عليه بزارينكم على بزارين جيرانكم وصكي الباب عليهم وخليهم يلعبون بغرفته ويناقزون على راسه .. تخبرين اطفالنا احباب الله خخخخخخخ

والا تعالي وهو في سابع نومه وارجفيه ذيك الرجفه اللي يفز مايدري عن نفسه الا وهو جالس وبكل برود قوليله نبي نخرج ..



*** اذا المزاج صفر ***


اذا شفتيه ماله خلق ومو رايق ومقفله معه لا تخافين بالعكس هذي فرصتك تنتقمين منه يعني تحرشي فيه خلي دمك ثقيييييييييل بالمزح

بس انتبهي في هاللحظه راقبي حركات يده لان ممكن يصك أي شيء قدامه بوجهك ولازم تصيرين مجهزه مفتاح الغرفه.. ماتدرين السالفه يا غالب يا مغلوب خخخخخخخخ

المهم.. اضحكي على شكله والا على جلسته والا على لبسه .. هو بيقول ترى مانيب رايق اذلفي عني , انتي لا تسكتين قوليله واذا ماذلفت وجهي وش بيصير

عاد هو بيقوم ويوريك وش بيصير على سنع انتي في هالوقت اقضبي اول درجتين توصلك لغرفتك وطلي عليه من فوق وقوليله ههههههههههههاااااي اهم شيء رفعت ضغطك وقومتك من جلستك




*** وقت الطق ***



لا جاء يوم وبراسك حرش وتبين تطاققين انتي والتمساح لازم تجهزين نفسك من كل ناحيه:

1/ اللبس: لازم تلبسين ترنك خخخخخخخخخ علشان يسهل الركض


2/ الشوشه لازم تلمينها وتسوين حفله براسك ذاك اليوم تحطين انواع الشباصات والمغاطات وانتبهي ولا خصله تنزل منك,

وياليت يكون ذاك اليوم حاطه براسك حناء علشان مايتجرأ ويلمس شعرك <==== ابن أمه يجيب مثل هالتفكير

3/ مفتاح الغرفه ولمبه الاحتياط واجب

اذا بدت المعركه حطي راسك براسه ولا تبينين له انك خايفه وبققي عويناتك فيه وقوليله وش براسك عاد هو هنا بيقولك هذا اللي براسي طراااااااااااخ الا ومخمس مصفي طبلونه ,

لا تستسلمين عطيه بوكككككككس على عيونه الثنتين علشان مايشوف الدرب وحطي رجلك
.
وعلى طووووووووول لغرفتك اللي مجهزة مفتاحها من قبل واقفلي عليك .. ويادار مادخلك شر بس نصيحه اقعدي يومين لايشوفك ولا تشوفينه لانه يبي ينتقم لكرامته وبيوريك النجوم في عز الظهر

وسلامتكـــــــــم هع هع

من شفت الموضوع دخلت لان من جد راافع ضغط ذا الاخ بس تصدقين ما ينفع معه الا العين الحمر صدق اني اسطره بس اخذ نصيبي من الجروح والكسور بس حتى هو يتسطرهههههههه <<برااااااااااا

مشكووره اختي والله ما تقصررين .. !

مشكووورة أأختي...ع المووضوع

DaNoOoSh كتب:

من شفت الموضوع دخلت لان من جد راافع ضغط ذا الاخ بس تصدقين ما ينفع معه الا العين الحمر صدق اني اسطره بس اخذ نصيبي من الجروح والكسور بس حتى هو يتسطرهههههههه <<برااااااااااا

مشكووره اختي والله ما تقصررين .. !

اهم شي العدل الكل يتكفخ
يسلموووووووو قلبو عالمرور الروووووووووعة

ههههههههههههههههههههههه

يسلموووووووو رجه بس رزة

والله حركاااات رووووعة

يستااهلوون

Natoofa كتب:

مشكووورة أأختي...ع المووضوع

لا شكر على واجب
يسلموووووووو قلبو عالمرور

حلا الكونـ كتب:

ههههههههههههههههههههههه

يسلموووووووو رجه بس رزة

والله حركاااات رووووعة

يستااهلوون

هههههههههه دوووم الضحكة يقلبو
والاروع مرورك التووووووووووووووووحفة

ههههههههه
أنا ماعندي تخطيط وذي الحركاات
لا أرتفع ظغطي وطقة براسي وطالبهـ حرش قمت بدوون أي خطط
بس فالنهايهـ مايبقى فيني ظلع صاحي
وسلامتكم

ويسلمووووووووووووو ع النصايح
خخخخخخخخخ